anno ultimo operam americanam melioris exercitus auctoritatis palaestinae (PA) faciendi descripsi: stultissimum quod umquam suscepit administratio americana. paulo nimium, ita vero, sed sic describere idoneum est quod opera potestatem meliorem pugnandi hostium Civitatum Confoederatarum sociique Israelensis facit.
 milites Copiarum Securitatis Nationalis Palaestinae. |
Yasir Arafat anno MMIV mortuo, administratio americana officium securitatis americanae creavit ut copiis palaestinis reparatis collectisque exercitisque nomine 'copiae securitatis nationales' (arabice: quwwat al-amn al-watani) rerum reipublicae rationem redderet. quod per paene totam vitam a legato Keith Dayton ductum. et americani qui vectigalia solvunt his copiis C milliones dollarium tertium annum suppeditant. multae agenturae, etiam agentura securitatis diplomaticae, agentura secreta, partes exercitus, administrationis americanae interfuerunt.
his civibus ad hostem propulsandum armatis circiter triginta milia militum, quorum quattuor cohortes MMC militum, nulla propter nullas relationes criminis terrorismive perscrutatione suscepta, MCD horas exercitionis in Arabia Petraea in facilitate americana acceperunt. ibi rebus sicut consiliis globorum parvorum, investigationibus locorum ubi admissa sunt crimina, auxilio primo, legibus humanis student.
Israelensibus permittentibus, hi milites in partibus Hebronis, Ieninis, Nabli positi. adhuc res bene gestae laudem late creavit. exempli causa, cum senator Iohannes Kerry (democraticus Massachusettae) operam 'hortantissimam' vocet, Thomas Friedman Temporum Novi Eboraci socium possibilem pacis Israeli in militibus ab americanis exercitis orientem videt.
ego tamen provideo probabilius esse has copias hostes potius quam socios pacis Israeli futuras. considera quae in compluribus faciant probabile:
nulla civitas palaestina: Dayton magna superbia copias ab americanis exercitas 'patres civitatis palaestinae' quae anno MMXI existat vocat. si- ut antea- non existet tum civitas palaestina? ipse de periculis magnis monet- id quod probabile significat novas copias Israelem aggredi incepturas.
civitas palestina: PA consilium quo Israelem deleat, ut est videre brevissime documenta 'Spectare Prela Palaestina', numquam reliquit. si sit civitas Palaestina, PA certo consilium vetus, sed copiis novis ab americanis exercitis fulgentibus, sequetur.
PA Hamas superat: si PA Hamas, competitorem Gazae islamistam, superet, militibus Hamas in suum exercitum conlatis, copiis coniunctis ob eandem rem imperet ut Israelem aggrediantur. ambi globi aemuli, quamquam diversi sententiis, consiliis, militibus sunt, Israelem delere volunt.
Hamas PAM superat: si PA ab Hamas superetur, saltem parte in exercitum conlata, quibusdam armatis Dayton utatur ut civitatem Iudaeam deleat.
Hamas PAque se sociant: cum Dayton penset se exercitum ad Hamas pugnandum parare, duces auctoritatis palaestinae colloquiis sponsorum aegypticorum cum Hamas de potestate partienda intersunt. itaque magis fieri potest ut copiae ab americanis exercitae Hamasque socii Israelem aggrediantur.
lex autem consecutionum inscientium ad tempus unum bonum praebet: cum Vashington copiis auctoritatis palaestinae faveat Tehranque illis Hamas, exercitus palaestini manera ideologica magis franguntur, id quod forsitan potestatem Israelis aggrediendi labefaciat.
verum quidem est suos se bene adhuc gerere. sed quidquid futurum est- civitas, nulla, si Hamas PAM superet, si PA Hamas superet, si ambi se socient- hi tum demum Israelem aggredientur. cum acciderit, Dayton callidique idealismo copias hostium Israelis aedificantes, humeris motis, dicent, 'nemo haec providere potuit'.
minime : pauci nostrum providimus monentque. potissimum pauci nostrum intellegimus colloquia pacis Asloae anno MCMXCIII consilia Israelis delendi ducum palaestinorum non terminasse.
consilia Dayton terminanda priusquam magis noceant. senatui auxilium pecuniae officio securitatis americanae terminandum.
